Մոսկվայի տարածաշրջանում կանխվել է ահաբեկչական գործողություն. ՌԴ ԱԴԾ
Ռուսաստանի Անվտանգության դաշնային ծառայությունը հայտնել է, որ Մոսկվայի տարածաշրջանում կանխել է ահաբեկչական գործողությունները: Հաղորդագրության մեջ նշվում է, որ ահաբեկչությունը պատրաստում էին ուկրաինական հատուկ ծառայությունները:
Ձերբակալվել է 1972 թվականին ծնված Ուկրաինայի քաղաքացի, որը Ուկրաինայի անվտանգության ծառայության հանձնարարությամբ մեքենայում պատրաստված թաքստոցում Կիևից Ռուսաստան է տեղափոխել Իգլա շարժական զենիթահրթիռային համալիրներ,-ասված է հաղորդագրության մեջ:
Նրա մոտից առգրավել են նաև գաջեթներ, որոնք հաստատում են Ուկրաինայի անվտանգության ծառայության աշխատակիցների հետ շփումները:
Քրեական գործը հարուցվել է կազմակերպված խմբի կողմից ապօրինի զենք ձեռք բերելու եւ պահելու մասին հոդվածով: 
