Ռուսական ռազմական մեքենան մարտունակ է և ունի մեծ պաշարներ. բրիտանական հատուկ ծառայության ղեկավար
Ռուսաստանի պաշարները և զինամթերքը սպառվում են: Այս մասին BBC-ին ասել է բրիտանական ռադիոէլեկտրոնային հետախուզական հատուկ ծառայության ղեկավար Ջերեմի Ֆլեմինգը:
«Մենք գիտենք, և տեղում գտնվող ռուս զինվորական ղեկավարները գիտեն, որ նրանց պաշարներն ու զինամթերքը սպառվում են», - ասել է սըր Ջերեմին Թագավորական միացյալ զինված ուժերի ինստիտուտի անվտանգության ամենամյա դասախոսության ժամանակ իր ելույթում:
Նա նաև պնդել է, որ բանտարկյալների և անփորձ մարդկանց մոբիլիզացիան «խոսում է անելանելի իրավիճակի մասին»:
Չնայած դրան, Ֆլեմինգը նկատել է, որ այնուամենայնիվ Ռուսաստանը կարող է վնաս հասցնել Ուկրաինային:
«Մոսկվան ունի շատ մարտունակ ռազմական մեքենա՝ չնայած Ուկրաինայում մարտերի ինտենսիվ բնույթին», ասել է նա։
Վերջինիս խոսքով՝ ռուսական ռազմական մեքենան կարող է զենք թողարկել, ունի մեծ պաշարներ և փորձ:
