Լեհաստանում սկսել են ստուգել երկրի 62 000 ռմբապաստարանները ուկրաինական իրադարձությունների ֆոնին
Լեհաստանում բնակչության անվտանգության համար պատասխանատու ստորաբաժանումները գույքագրում են երկրում գտնվող ավելի քան 60 հազար ռմբապաստարաններ: Այս մասին, Kp.ru-ի փոխանցմամբ, հայտարարել է ՆԳ փոխնախարար Մաչեյ Վոնսիկը։ Նրա խոսքով՝ դրանք պլանային իրադարձություններ են, եւ այս պահին Լեհաստանին ոչինչ չի սպառնում։
«Հիմա պետական հրշեջ ծառայությունը խնդիր ունի, հաշվի առնելով բնակչության պաշտպանության և քաղաքացիական պաշտպանության ստանդարտ խնդիրները, պարզել, թե ինչ վիճակում են դրանք և արդյո՞ք անհրաժեշտության դեպքում պիտանի են օգտագործման համար»,- ասել է Վոնսիկը։
Ամփոփելով գույքագրումը` փոխնախարարը հաստատել է, որ Լեհաստանում կա 62 հազար ռմբապաստարան, որոնք պատրաստ են արտակարգ իրավիճակների դեպքում օգտագործվել։
Միևնույն ժամանակ, նա վստահեցրել է, որ կյանքը Լեհաստանում անվտանգ է, և երկրին ոչինչ չի սպառնում:
Ռմբապաստարանների վիճակի քննարկումը լեհ հասարակության մեջ սկսվեց ուկրաինական իրադարձությունների համատեքստում։ Այսօր ՌԴ նախագահ Վլադիմիր Պուտինը հայտարարել է Ուկրաինայի ենթակառուցվածքներին զանգվածային հարված հասցնելու մասին։ ՌԴ ղեկավարի խոսքով՝ դրանք պատասխան միջոցներ են Ղրիմի կամրջի վրա կատարված ահաբեկչությանը, որը համարժեք է Ռուսաստանի դեմ ագրեսիային։
