ՏԵՍԱՆՅՈՒԹ․ «Ես ատում եմ ռուսներին»․ Նորվեգիայի հյուպատոսության աշխատակիցը հայտնվել է սկանդալի կենտրոնում
ՌԴ ԱԳՆ պաշտոնական ներկայացուցիչ Մարիա Զախարովան Նորվեգիայի հյուպատոսության վարչական հարցերով աշխատակցուհի Էլիզաբեթ Էլինգսենին մեղադրել է ազգայնականության և այլատյացության մեջ։ Սրա պատճառը վերջինիս վիրավորական արտահայտություններն էին Մուրմանսկի հյուրանոցներից մեկում, որտեղ կինը սկանդալ է ստեղծել և դժգոհել ռուսներից։
Ավելի վաղ համացանցում սկանդալային տեսանյութ էր տարածվել, որտեղ մի կին ակտիվորեն իր դժգոհությունն է հայտնում Մուրմանսկի հյուրանոցի աշխատակիցների սպասարկման վերաբերյալ՝ միաժամանակ օգտագործելով «Ես ատում եմ ռուսներին» արտահայտությունը։ Կինը պահանջել է իրեն տալ սենյակի բանալին և պնդել, որ ինքը Սկանդինավիայից է, հետևաբար «սովորել է սենյակները մաքրել»։
«Ես ռուս կին չեմ, ով ինչ-որ կերպ է մաքրում. սա մաքրություն չէ: Կարո՞ղ եմ ընդհանրապես քնել այս անկողնում»,- հրապարակված տեսանյութում ավելացրել է կինը։
Ինչպես պարզվեց, տեսահոլովակի գլխավոր հերոսուհին Էլիզաբեթ Էլինգսենն է, ով Նորվեգիայի հյուպատոսության աշխատակից է։
Զախարովան նշել է, որ հյուպատոսության աշխատակիցը «չի զսպել իրեն՝ բացահայտելով իր չարությունը»։
«Այս պահին ՌԴ ԱԳՆ-ն տարբերակներ է մշակում ատելության, ազգայնականության և այլատյացության այս աղաղակող արարքին արձագանքելու համար։ Եթե Նորվեգիայի ԱԳՆ-ն մեզնից առաջ չընկնի, ինչը ճիշտ կլինի։ Այս քաղաքացու հայտարարությունները հստակ հնչում էին ատելություն մեկ ազգության և անթաքույց ազգային գերակայության նկատմամբ»,- ասել է Զախարովան։
