Հոխիկյանը՝ Արագածավանի դեպքի մասին

Միջէթնիկ հակամարտությունների փորձագետ Նաիրի Հոխիկյանն անդրադառնալով համացանցում տարածված այն լուրին, որ Արագածոտնի մարզի Արագածավան գյուղում թուրքերը ութ հովիվների` իրենց անասուններով գերի են վերցրել, հատկանշեց հետևյալը։

«Այն հատվածում, որի մասին խոսքը գնում է՝ Արագածավանի, Բագարանի, Երվանդաշատի մասին, այդ հատվածում ոչ այնքան քրդեր կամ Թուրքիայի թուրքեր են ապրում, որքան՝ ադրբեջանցիներ։ Սրանք հիմնականում Նախիջևանից, Արցախից փախած այն ադրբեջանցիներն են, որոնք հաստատվել են Թուրքիայում, իսկ թուրքական իշխանությունները այդ մարդկանց միտումնավոր բերել են՝ ՀՀ-ի հետ այդ 311 կմ հատվածում են տեղակայել։ Իմ տեղեկութուններով ավելի քան 35000 ադրբեջանցի հիմա ՀՀ-Թուրքիա  սահմանին է ապրում և հատկապես  Իգդիր-Կարս հատվածում։ Չեմ բացառում, որ այս սադրանքները այդտեղ ապրող ադրբեջանցիների կողմից հրահրված լինեն։  Հատուկ են ադրբեջանցիներին բնակեցրել Թուրքիա-Հայաստան սահմանին, որ նրանց միջոցով սադանքներ իրականացնեն»,- հրավիրված ասուլիսի ժամանակ ասաց մեդիափորձագետ Նաիրի Հոխիկյանը։