ՏԵՍԱՆՅՈՒԹ. Երևանում կանանց երթի ժամանակ մի տղամարդ մեքենան վարել է նրանց ուղղությամբ. իրավաբան Գոհար Մելոյան
Իրավաբան Գոհար Մելոյանը հայտնում է, որ այսօր կանանց երթի ժամանակ մի տղամարդ մեքենան վարել է երթի մասնակիցների ուղղությամբ։ Մելոյանն ֆեյսբուքյան իր էջում է նման գրառում արել` տեսանյութ տեղադրելով։
«Այսօր՝ կանանց երթի ժամանակ, մի անհավասարակշիռ սադրիչ, անգամ թե՛ մեր, թե’ ոստիկանության կողմից կարգի հրավիրվելուց հետո, դուրս գալով անթույլատրելի հատված` մեքենան վարեց մեր ուղղությամբ: Ուղղություն, որտեղ իրենց արդար պահանջն ու անարդարությունից խեղդվող ձայնն էին բարձրացնում մեր նահատակված հերոսների մայրերը»,–գրել է նա։
Մելոյանը հավելել է, որ ի պատիվ ոստիկանության` ապօրինի գործողությունները համարժեք գնահատական են ստացել։ Տեսանյութում երևում է` ինչպես են ոստիկանները տղամարդու ձեռքերը ոլորում` մի կողմ տանելով նրան։ Հավելենք, որ տղամարդուն բերման չեն ենթարկել, պարզապես հեռացրել են տարածքից:
