Քաթարը 5 միլիոն դոլար կհատկացնի ուկրաինացի փախստականներին
Քաթարի իշխանությունները 5 մլն դոլար կհատկացնեն ուկրաինացի փախստականներին և ժամանակավոր տեղահանվածներին մարդասիրական օգնության համար։ Այս մասին հայտարարել է Էմիրության արտաքին գործերի նախարարի օգնական Լոլվա բինթ Ռաշիդ ալ-Խաթերը, գրում է ТАСС-ը:
«Քաթարի Պետությունը հայտարարել է Քատարի զարգացման հիմնադրամի միջոցով մարդասիրական օգնության համար 5 միլիոն դոլար հատկացնելու մասին՝ ուկրաինացի փախստականներին և տեղահանվածներին աջակցելու համար՝ ... ընդգծելով, որ ծանր մարդասիրական իրավիճակը, որում միլիոնավոր փախստականներ են հայտնվում, շարունակվում է։ Էսկալացիան և լարվածությունը պահանջում են միջազգային համերաշխ համայնքներից մշակել արտակարգ իրավիճակների պլաններ՝ արձագանքելու իրենց կենսական կարիքներին»,- ասվում է հայտարարության մեջ:
Քաթարը, ըստ ալ-Խաթերի, կոչ է անում «անհապաղ դադարեցնել ռազմական գործողությունները Ուկրաինայում և ապահովել մարդասիրական միջանցքների անվտանգությունը օգնության առաքման համար», ինչպես նաև հակամարտությունը լուծել դիվանագիտական ճանապարհով։
ՄԱԿ-ի փախստականների հարցերով գերագույն հանձնակատարի գրասենյակի տվյալներով՝ փետրվարի 24-ից ապրիլի 9-ը Ուկրաինայից հարևան երկրներ է տեղափոխվել ավելի քան 4,5 միլիոն մարդ։
Ինչպես ապրիլի 7-ին լրատվամիջոցին հայտնել են ուժային կառույցներից, ԴԺՀ-ի, ԼԺՀ-ի և Ուկրաինայի տարածքներից Ռուսաստանի Դաշնություն տեղափոխված քաղաքացիների ընդհանուր թիվը գերազանցել է 650 հազարը։
