Զելենսկու գրասենյակի ղեկավարը դժգոհել է պատժամիջոցների ազդեցությունից
Վլադիմիր Զելենսկու գրասենյակի ղեկավար Անդրեյ Երմակը դժգոհություն է հայտնել Արևմուտքի կողմից Ռուսաստանի նկատմամբ սահմանված տնտեսական սահմանափակումների թույլ լինելու համար՝ խոստովանելով, որ Ուկրաինան ժամանակ չունի սպասելու դրանց ազդեցությանը։
«Պատժամիջոցներ կան, որոնք երկար ժամանակ են աշխատում, բայց մենք ժամանակ չունենք, կան պատժամիջոցներ, որոնք ինչ-որ մեկը հաշվարկել է և դրանք շրջանցելու ուղիներ է գտել: Ցավոք սրտի, կան պատժամիջոցներ, որոնք ներդրվել են, «գեղեցիկ տեսք» ունեն, բայց դրանք ընդհանրապես չեն գործում»,- ասել է նա՝ «Ուկրաինա 24» հեռուստաալիքի եթերում։
Նա նաև քննադատել է արևմտյան երկրներին՝ Ուկրաինայի ապառազմականացման ռուսական հատուկ գործողության մեկնարկից առաջ կանխարգելիչ պատժամիջոցներ չկիրառելու համար։
