Սահակյանների ընտանիքում «նոր» Վահան է ծնվել․ նորածին տղային կոչել են զոհված եղբոր անունով

44 օրյա պատերազմի ժամանակ հերոսաբար զոհված տղաներից մեկի՝ Վահան Սահակյանի ծնողները որդի են ունեցել։ Ուրախալի լուրն Auroranews-ին հայտնեցին Վահանի հարազատները։ 

«Վահանը 10 ամսվա զինծառայող էր, երբ սկսվեց պատերազմը։ Ծառայել է Մատաղիսում, 24 օր թշնամու հետ կռիվ տալուց հետո վիրավորում է ստացել, 1 ամիս հիվանդանոցում գտնվելուց հետո մահացել»,- պատմեցին նրանք։  

Զոհված զինծառայողների հարազատները ասացին, որ Սահակյանների ընտանիքում «նոր» Վահան է ծնվել՝ նորածին տղային կոչել են զոհված եղբոր անունով։ 

Նշենք, որ Վահանը Շիրակի մարզի Գուսաննա համայնքի բնակիչ էր։