Ռոսկոմնադզորը ռուսական ԶԼՄ-ներին արգելել է ցուցադրել Meta-ի, ինչպես նաև Facebook-ի և Instagram-ի տարբերանշանները
Ռոսկոմնադզորն արգելել է ռուսական լրատվամիջոցներին ցուցադրել Meta Platforms Inc.-ի, ինչպես նաև Facebook և Instagram սոցիալական ցանցերի տարբերանշանները: Այս մասին հայտնել են Ռոսկոմնադզորի մամուլի ծառայությունում՝ ի պատասխան ՏԱՍՍ-ի հարցման։
«Ռուսական լրատվամիջոցների կողմից Meta Platforms Inc. կազմակերպության և նրա Facebook և Instagram սոցիալական ցանցերի տարբերանշանի ցուցադրումն անթույլատրելի է»,- նշվում է հաղորդագրության մեջ։
Գերատեսչությունում նշել են, որ ռուսական լրատվամիջոցները պետք է նշեն Meta Platforms-ը որպես երկրում արգելված կազմակերպություն։
