Ռուս զինվորականներն ամեն ինչ անում են խաղաղ բնակիչների կյանքը փրկելու համար․ Պուտին
ՌԴ նախագահ Վլադիմիր Պուտինը Գերմանիայի կանցլեր Օլաֆ Շոլցի հետ զրույցում նշել է, որ Ուկրաինայում ռուս զինվորականներն ամեն ինչ անում են խաղաղ բնակիչների կյանքը փրկելու համար, հայտնում է Կրեմլի մամուլի ծառայությունը։
Նշվում է, որ զրույցը տեղի է ունեցել գերմանական կողմի նախաձեռնությամբ։ Զրույցը եղել է Ուկրաինայի շուրջ ստեղծված իրավիճակի շուրջ։
Պուտինն իր խոսքում նշել է, որ ռուսական զինված ուժերն անում են հնարավորը խաղաղ բնակիչների կյանքը փրկելու համար, այդ թվում՝ մարտական գոտում գտնվող քաղաքներից բնակչության ելքը անվտանգ ապահովելու համար։
Մարտի 17-ին հումանիտար գործողության արդյունքում ապահովել է շուրջ 43 հազար մարդու տարհանում։
