ВТБ բանկն իր հաճախորդների արտասահմանյան ակտիվները կփոխանցի այլ կազմակերպությունների

Ռուսական ВТБ բանկը պատժամիջոցների պատճառով իր հաճախորդների արտասահմանյան ակտիվները կփոխանցի այլ կազմակերպությունների: Այս մասին հայտնում է Интерфакс-ը: 

Նշվում է, որ բանկը  մինչև մարտի 30-ը իր հաճախորդներին կտեղեկացնի, թե որ ֆինանսական կազմակերպություններին կփոխանցի իրենց օտարերկրյա ակտիվները:

«Ֆինանսական շուկաներում ստեղծված իրավիճակի և օտարերկրյա պետությունների կողմից ВТБ բանկի վրա դրված սահմանափակումների պատճառով մեր հաճախորդների հոգատարության և նրանց շահերի պաշտպանության նպատակով մենք որոշում ենք ընդունել արտասահմանյան արժեթղթերի սպասարկումը փոխանցել ՌԴ-ի մյուս առաջատար ֆինանսական կազմակերպություններին: Մենք գնացել ենք այնպիսի քայլի, որ դուք պահպանեք ցանկացած ակտիվներ գնելու և վաճառելու հնարավորությունը առանց սահմանափակումների», – ասվում է հաղորդագրության մեջ։