Պրանկերներն Ուկրաինայի վարչապետի անունից զանգահարել են Մեծ Բրիտանիայի ՊՆ ղեկավարին
Մեծ Բրիտանիայի պաշտպանության նախարար Բեն Ուոլեսը հայտարարել է, որ ինքը դարձել է խեղկատակի զոհ, ով զանգահարել է իրեն հեռախոսով՝ ներկայանալով որպես Ուկրաինայի վարչապետ Դենիս Շմիգալ։ Այս մասին գրում է ТАСС-ը՝ հղում անելով բրիտանացի նախարարի Twitter-ում կատարած գրառմանը։
«Այսօր մի խաբեբա, որը ներկայացել էր որպես Ուկրաինայի վարչապետ, փորձեց խոսել ինձ հետ: Նա մի քանի ապակողմնորոշիչ հարցեր տվեց. Կասկածելով, որ ինչ-որ բան այն չէ, ես ավարտեցի խոսակցությունը»,- գրել է Ուոլեսը:
Նշվում է, որ այս փաստը հետաքննվում է։
