Բայդենի Պուտինին ուղղված նման հայտարարությունները աններելի են․ Պեսկով
Ռուսաստանի նախագահ Վլադիմիր Պուտինը իմաստուն եւ բարեկիրթ միջազգային գործիչ է, այդ պատճառով չի պատասխանում իր մասին ԱՄՆ նախագահ Ջո Բայդենի անթույլատրելի հայտարարություններին, բացատրել է Ռուսաստանի նախագահի մամուլի քարտուղար Դմիտրի Պեսկովը։
«Մեր նախագահը շատ իմաստուն, հեռատես եւ բարեկիրթ միջազգային գործիչ է եւ Ռուսաստանի Դաշնության ղեկավարը»,- լրագրողներին ասել է Կրեմլի ներկայացուցիչը՝ պատասխանելով այն հարցին, թե ինչու Պուտինը չի պատասխանում Բայդենին, որը նրան «ռազմական հանցագործ» է անվանել։
«Պարոն Բայդենի նման հայտարարությունները միանգամայն անթույլատրելի են, աններելի»,- ընդգծել է Պեսկովը։
