Արցախում գազամատակարարումը դեռ չի վերականգնվել

Արցախում գազամատակարարման վերականգնման աշխատանքները դեռևս չեն ավարտվել բարդ ռելիեֆի և եղանակային պայմանների պատճառով։ Այս մասին տեղեկացնում է Արցախի տեղեկատվական շտաբը։ 

«Ինչպես արդեն տեղեկացրել էինք, երեկ մեկնարկել են վնասված գազատար խողովակի վերանորոգման աշխատանքները: Բարդ ռելիեֆի և եղանակային պայմանների պատճառով գազամատակարարման վերականգնման աշխատանքները դեռևս չեն ավարտվել։ 

Առաջիկա ժամանակահատվածում հանրությանը կտրամադրվեն լրացուցիչ տեղեկություններ։ 

Արցախի կառավարությունը հայցում է բոլոր քաղաքացիների ներողամտությունը հարուցված դժվարությունների համար և հավաստիացնում, որ գազամատակարարումը վերականգնվելու է հնարավորինս կարճ ժամանակահատվածում»,- նշվում է Արցախի տեղեկատվական շտաբի հայտարարության մեջ։