Ուկրաինայի նախագահ Զելենսկին ՆԱՏՕ-ին մեղադրել է Ուկրաինայի անվտանգության հարցում անգործության մեջ: Իր հերթական հեռուստաուղերձի ընթացքում նա մասնավորապես ասել է. 

«Իմանալով, որ նոր հարվածներն ու զոհերն անխուսափելի են, ՆԱՏՕ-ն գիտակցաբար որոշում կայացրեց չփակել Ուկրաինայի երկինքը:

Բոլոր մարդիկ, ովքեր կզոհվեն այսօրվանից, կմեռնեն ձեր պատճառով: Այն ամենը, ինչ կարող էր դաշինքն անել այսօր, Ուկրաինայի համար 50 տոննա դիզվառելիք փոխանցելն էր իր գնումների համակարգով։ Հավանաբար, որպեսզի կարողանանք այրել Բուդապեշտի հուշագիրը: Դուք չեք կարողանա մեզ վառելիքով վճարել մեր ընդհանուր ապագայի համար թափված արյան լիտրերի դիմաց»։