Մարիուպոլից մարդկանց տարհանումը չեղարկվել է
Մարիուպոլի քաղաքային խորհուրդը հայտնում է, որ ռուսական կողմը չի պահպանում լռության ռեժիմը և շարունակում է գնդակոծել ինչպես Մարիուպոլը, այնպես էլ նրա շրջակայքը։ Նշվում է, որ անվտանգության նկատառումներից ելնելով՝ տարհանումը այս պահի դրությամբ չեղարկվել է։ Հավելենք, որ ուկրաինական կողմը ավելի վաղ հաստատել է ՌԴ ՊՆ հայտարարությունը՝ ժամանակավոր «լռության ռեժիմի» անցնելու վերաբերյալ։
Մարիուպոլ քաղաքում մարդիկ հավաքվել են փողոցներում ու փորձում են դուրս գալ, սակայն ապարդյուն:
