«Հայաստան» դաշինքն առաջարկում է նվազագույն աշխատավարձը 68 հազարից դարձնել 100 հազար դրամ

Ազգային ժողովի «Հայաստան» խմբակցությունն առաջարկում է նվազագույն աշխատավարձը 68 հազար դրամի փոխարեն սահմանել 100 հազար դրամ։ Համապատասխան օրենքի նախագիծը ներկայացվում է ԱԺ պաշտոնական կայքէջում։ 

«Սույն նախագծով առաջարկվում է նվազագույն աշխատավարձի չափը սահմանել 100.000 դրամ։ Սույն առաջարկի հիմքում դրված են մի շարք սոցիալ-տնտեսական հիմնավորումներ, մասնավորապես, նկատի ունենալով ՀՀ Ազգային վիճակագրական կոմիտեի կողմից՝ ըստ Առողջապահության նախարարության կողմից մշակված սննդամթերքի կազմի, կառուցվածքի և էներգետիկայի հաշվարկված նվազագույն սպառողական զաբյուղի արժեքին և աղքատության մակարդակին»,- նշվում է հիմնավորման մեջ։ 

Առաջարկվում է նախագիծը ուժի մեջ մտցնել 2022 թվականի հուլիսի 1-ից: