Իրանը փակել է ցամաքային սահմանը հարևան երկրների, այդ թվում՝ Հայաստանի հետ
Իրանը փակել է ցամաքային սահմանը հարևան երկրների, այդ թվում՝ Հայաստանի հետ կորոնավիրուսի օմիկրոն շտամի պատճառով: Այս մասին հայտնել է Իրանի Մաքսային ծառայության պաշտոնական ներկայացուցիչ Սեյեդ Ռուհոլլա Լաթիֆին:
«Կորոնավիրուսի տարածման դեմ պայքարի ազգային շտաբի և ՆԳՆ հրամանի համաձայն՝ օմիկրոնի շտամի տարածումը կանխելու նպատակով այսօրվանից 15 օրով ուղևորների համար փակ կլինի ցամաքային սահմանը հարևան երկրների հետ», - նշել է նա:
Ըստ պաշտոնյայի՝ խոսքը վերաբերում է Հայաստանի, Աֆղանստանի, Իրաքի, Թուրքիայի, Ադրբեջանի և Պակիստանի հետ կապված սահմանափակումներին:
