Թուրքիայում մի քանի տասնյակ մարդ է մահացել կեղծ ալկոհոլից
Առնվազն 60 մարդ է մահացել Թուրքիայում՝ կեղծված ալկոհոլային խմիչքի պատճառով։ Այս մասին հայտնում է Habertürk-ը։ Մասնավորապես, վերջին երկու շաբաթվա ընթացքում կեղծված ալկոհոլային խմիչքից թունավորման դեպքեր արձանագրվել են Թուրքիայի տասնյոթ քաղաքներում։ Առավել շատ դեպքեր գրանցվել են Ստամբուլում։ Վերջին տասը օրերի ընթացքում այստեղ կեծված ալկոհոլային խմիչքից թունավորվելու պատճառով մահացել է երեսուն մարդ։ Այս պահի դրությամբ, ալկոհոլային խմիչքի կեղծման կասկածանքով երկու մարդ է ձերբակալվել Թուրքիայի հյուսիսում գտնվող Օրդու քաղաքում։
