ՌԴ-ում կվերանա տրանսպորտային միջոցների պարտադիր տեխնիկական զննությունը
Պետդուման օրենք է ընդունել 2022 թվականից անձնական տրանսպորտային միջոցների պարտադիր տեխնիկական զննությունը վերացնելու մասին։
.
Օրինագիծը նախատեսում է տեխզննումից ազատել ավտոմեքենաները և մոտոցիկլետները, որոնք քաղաքացիների կողմից օգտագործվում են բացառապես անձնական նպատակներով։
Տեխնիկական զննումը կմնա պարտադիր տաքսիների և ուղևորներ տեղափոխող տրանսպորտային միջոցների, ինչպես նաև անձնական տրանսպորտային միջոցների համար, որոնք օգտագործվում են բիզնես նպատակներով։
Ավելի վաղ հայտնի էր դարձել, որ Անձնական ավտոտրանսպորտի տեխնիկական զննության վերացման մասին օրենքը ներառվել է Դաշնության խորհրդի դեկտեմբերի 24-ի նիստի օրակարգում։
Իր հերթին Պետդումայի նախագահ Վյաչեսլավ Վոլոդինն ասել է, որ Ռուսաստանում պարտադիր տեխնիկական զննության վերացման մասին օրինագիծը կարևոր է մինչև տարեվերջ ընդունել։
Նա նշել է, որ այս որոշումը կանդրադառնա մոտ 50 մլն տրանսպորտային միջոցների վրա։
