Ինչպես բաշխվեցին ձայները. մանրամասներ քվեարկությունից

Երևան քաղաքի ավագանին 44 կողմ ձայներով անվստահություն հայտնեց քաղաքապետ Հայկ Մարությանին։ Դեմ էր ավագանու 10 անդամ։ Ավագանու 60 անդամից քվեարկությանն է մասնակցել 57-ը, երեքին քվեարկությունը անվավեր է ճանաչվել։

Ընդդիմության անդամներից 6-ը հայտարարել էր՝ միանում են քաղաքապետին անվստահություն հայտնելու նախագծին։ Նրանցից 5-ը՝ ԲՀԿ-ից է, մեկը՝ Անի Խաչատրյանը, «Լույս» խմբակցությունից։ Ստացվում է՝ Հայկ Մարությանին դեմ է քվեարկել Ավագանու «Իմ քայլը» խմբակցության 38 անդամ։ Քաղաքապետին պաշտոնանկ անելու համար անհրաժեշտ էր 33 քվե։

Հիշեցնենք, որ Հայկ Մարությանի դեմ արշավը սկսվել է Նիկոլ Փաշինյանի ընտանիքին պատկանող «Հայկական ժամանակում» դեկտեմբերի 12-ին հրապարակված հոդվածից հետո, որտեղ նրան մեղադրել էին ընդդիմության հետ համագործակցելու մեջ։ Դրանից հետո իշխող ուժը անվստահություն հայտնելու գործընթաց սկսեց Մարությանի դեմ։

Դեկտեմբերի 17-ին «Իմ քայլը» խմբակցությունը մուտքագրել էր քաղաքապետ Հայկ Մարությանին անվստահություն հայտնելու նախագիծը։

Հավաքվել էր 44 ստորագրություն, որից 39-ը «Իմ քայլը» խմբակցության անդամներինն էր։ Այսօր հրավիրվեց Երևան քաղաքի ավագանու արտահերթ նիստ, և օրակարգում մեկ հարց էր՝ «Երևանի քաղաքապետ Հայկ Մարությանին անվստահություն հայտնելու մասին» Երևան քաղաքի ավագանու որոշման նախագիծը։

Լուսանակարը` Photolure-ի