Գործող իշխանությունը երանի է տալու ընտրություններով հեռանալու հնարավորությանը. Հայկ Մամիջանյան
Այս իշխանություններին ոչինչ չի հաջողվի, նրանք անցել են բոլոր կարմիր գծերը, նրանք երանի են տալու ընտրություններով հեռանալու հնարավորությանը։ Այս մասին դեկտեմբերի 17-ին Բարձրագույն դատական խորհրդի շենքի առջեւ բողոքի ցույցի ժամանակ լրագրողների հետ զրույցում ասաց «Պատիվ ունեմ» խորհրդարանական խմբակցության քարտուղար Հայկ Մամիջանյանը։
Հիշեցնենք, որ այս պահին բողոքի ակցիա է ընթանում ԲԴԽ–ի դիմաց՝ ընդդեմ վերջին կալանավորումների: Հանրահավաքի նպատակն է դադարեցնել ՏԻՄ ընտրությունների արդյունքում սկսված քաղաքական հետապնդումները, ազատ արձակել ապօրինի որոշումներով բանտարկած ընդդիմադիր քաղաքական գործիչներին:
