Հոկտեմբերի 27-ը ոչ պակաս Նեմեսիսի գործողության էր նման. Անդրանիկ Քոչարյան
Երեկ Զարուհի Փոստանջյանը ձեռքի ատրճանակային շարժումով պատկերացնում էր պետական պաշտոնյաների գլուխներ և քըխ-քըխ-քըխ, ասում էր, որ պետք է բոլորին քըխ անել: Այս մասին ԱԺ-ում նիստի ժամանակ հայտարարեց իմքայլական Անդրանիկ Քոչարյանը:
«Խոսքը գնաց Նեմեսեսի մասին: Ես մեկ շաբաթ առաջ նեմեսիսի մասին խոսել եմ: «Նեմեսիսը» պետք է որ լուծարված լինել: Ես կարծում եմ, որ գուցե Նեմեսիս անունով չէ, բայց կան կուսակցություններ, որոնք ունեն նման գաղտնի պահպանված կառույցներ: Օրինակ մենք վերջին տասնամյակներում առնչվել ենք «Դրո» կառույցի հետ: Նեմեսիսի մասին երբեք այսքան ծավալուն չեն խոսել: Վերջերս լուրջ պահանջարկ են կառուցում: Ինչը նշանակում է, որ կան ուժեր, որոնք փորձելու են մեր երկիրը մտցնել ներքին քաոսի մեջ:
Ի վերջո Հոկտեմբերի 27-ը ոչ պակաս Նեմեսիսի գործողության էր նման, բայց դա արդեն մեր երկրի պետականությանն էր ուղղված: Հիմա նորից երեկ Փոստանջյանը խոսում էր թեմայից: Մնում էր ատրճանակը տային ձեռքն ու ասեին՝ կրակիր աջ ու ձախ»,-ասաց նա:
Քոչարյանը նշեց, որ դրանք լուրջ թեմաներ են, արժե, որ դրան մատների արանքով չնայել:
