Մանվել Գրիգորյանին տեղափոխել են տուն. փաստաբան Արսեն Մկրտչյան

ԵԿՄ նախկին նախագահ, ԱԺ նախկին պատգամավոր Մանվել Գրիգորյանին «Նաիրի» բժշկական կենտրոնից տեղափոխել են տուն, նրա վիճակը շարունակում է մնալ ծանր: Այս մասին NEWS.am-ին ասել է Մանվել Գրիգորյանի փաստաբան Արսեն Մկրտչյանը: 

«Նրան անհրաժեշտ բուժօգնություն են ցուցաբերել և տեղափոխել են տուն, վիճակը շարունակում է մնալ ծանր, սակայն հաշվի առնելով որ վերակենդանացման սարքավորումները տանն էլ կան, նրան տուն են տեղափոխել»,- հայտնել է փաստաբանը: 

Հունիսի 9-ին Մանվել Գրիգորյանի առողջական վիճակը կտրուկ վատացել էր, նա կորցրել էր գիտակցությունը։