Ջորջ Մեյսոնի համալսարանի (ԱՄՆ) պրոֆեսոր, կենսաբանական գիտությունների դոկտոր Անչա Բարանովան «ՌԻԱ Նովոստի»-ին հայտնել է, կորոնավիրուսի կրողները, որոնց հաճախ անվանում են ասիմպտոմ, կարող են չնկատել թոքերի ծավալի կրճատումը եւ երիկամների ֆունկցիայի վատթարացումը: «Ասիմպտոմնիկները հիմնականում երիտասարդներն են, եւ նրանք բժիշկների ուշադրության կենտրոնում չեն հայտնվում: Նրանք կարող են բժշկի մոտ հայտնվել այլ պատճառով: Օրինակ՝ անհրաժեշտ է ստուգել ենթաստամոքսային գեղձը, եւ նրան համակարգչային տոմոգրաֆիա են կատարում, բայց պարզվում է, որ մարդու թոքերն են ախտահարված: Այս ամենը հնարավոր է պարզել նաեւ առանց տոմոգրաֆիայի, եթե ստերեոչափի միջոցով ստուգվեն թոքերի չափերը: Եթե այն սկսել է փոքրանալ, ապա, հնարավոր է, խոսքը կորոնավիրուսի մասին է»,- ասել է Բարանովան:  Նրա խոսքով՝ ստերեոչափը օգտակար կլիներ, եթե մինչեւ համավարակը բոլորը անցնեին նման չափումներ եւ թոքերի ծավալը համեմատելու հնարավորություն լիներ: «Եթե COVID-19-ի ձեր թեստը դրական է, բայց ախտանիշներ չունեք, ապա անհրաժեշտ է կատարել տոմոգրաֆիա եւ տեսնել, թե թոքերն ինչ վիճակում են»,- խորհուրդ է տվել կենսաբանը: