Ամեն անասունի չի կարելի տղամարդու ու մարդու անձնագիր տալ․ Նաիրա Զոհրաբյան
ՀՀ ԱԺ մարդու իրավունքների պաշտպանության եւ հանրային հարցերի մշտական հանձնաժողովի նախագահ Նաիրա Զոհրաբյանը ֆեյսբուքի իր էջում գրել է․
«Ամեն անասունի չի կարելի տղամարդու ու մարդու անձնագիր տալ
Երեկ Գյումրիում Դարվինի էվոլյուցիայի պրոցեսից խեղված մի կենդանի, ում պատահաբար մարդու և տղամադու անձնագիր են տվել, դաժանաբար ծեծելով սպանել է 43-ամյա կնոջ ու դաժան ծեծի ենթարկել այդ կնոջ 13-ամյա դստերը: Երեխան այս պահին «Սուրբ Աստվածամայր» բժշկական կենտրոնում է, խոսեցի գլխավոր բժշկի հետ, երեխայի վիճակը ծանր է ու բժիշկները պայքարում են նրա կյանքի համար:
Սա այլևս կարմիր գիծ է: Սա այլևս հնարավոր ու անհնար բոլոր միջոցներով կասեցնել է պետք:
Ու ինձ զարհուրեցնում են որոշ միաբջիջներ, ովքեր քննարկում եմ սպանված կնոջ վարքն ու փորձում արդարացնել տղամարդու անձնագիր ստացած այն բռնարար իմբիցիլներին, ովքեր կարծում են, որ կինը կադաստրի վկայականով իրենց հանձնված սեփականություն է: Բռնությունը չի կարող և չպետք է ունենա որևէ արդարացում` սա աքսիոմ է:
Եվ ով սա չի հասկանում, ինձ համար նույնքան բռնարար է:
Ի դեպ, մինչ այս պահը երեխայի որեւէ հարազատ հիվանդանոց չի գնացել»։
