Յուրա Իվանյանն աշխատանքից ազատման դիմում չի գրել, նա շարունակում է պաշտոնավարել. Նաիրա Հարությունյան

Զանգվածային լրատվամիջոցներում տեղեկություներ են տարածվել, թե աշխատանքից ազատվել են Ամուլսարի գործով քննչական խմբի ղեկավար Յուրա Իվանյանը և ՀՀ Քննչական կոմիտեի նախագահի տեղակալ Սամվել Ավետիսյանը:

Քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ է Նաիրա Հարությունյանը իր ֆեյսբուքյան էջում գրել է, որ Յուրա Իվանյանն աշխատանքից ազատման դիմում չի գրել, նա շարունակում է պաշտոնավարել, իրականացվում է ծառայողական քննություն, որի արդյունքում կկայացվի որոշում:

Հիշեցնենք՝ Ամուլսարի գործով քննչական խմբի ղեկավար Յուրա Իվանյանը հայտնել էր, որ Ամուլսարի հանքի հետ կապված գործով քրեական հետապնդումը շարունակելու հիմքեր չկան: 

Փորձագետները կասկածի տակ էին դրել Իվանյանի անաչառությունը, թե նա չի կարող օբյեկտիվ քննել շրջակա միջավայրի աղտոտման մասին տեղեկությունները պաշտոնյայի կողմից դիտավորությամբ թաքցնելու գործը , քանի որ այդ պաշտոնյան իր հորեղբոր որդին է:

 Ինչ վերաբերում է Քննչական կոմիտեի նախագահի տեղակալ Սամվել Ավետիսյանին, ապա նրա ազատման որոշումն արդեն հրապարակվել է Կառավարության պաշտոնական  կայքում: