Ովքե՞ր կտուգանվեն․ 12 պաշտոնյա հայտարարագիր չեն ներկայացրել

Բարձրաստիճան պաշտոնատար անձանց էթիկայի հանձնաժողովը պատրաստվում է վարույթ հարուցել 12 պաշտոնյաների նկատմամբ, ովքեր նախազգուշացումից հետո անգամ չեն ներկայացրել 2018թ տարեկան հայտարարագիրը։ 

ArmDaily.am-ի տեղեկություններով՝ տարեկան հայտարարագիրը չէր ներկայացրել 177 հոգի, նրանցից 83-ի նկատմամբ կիրառվել է նախազգուշացում,12 պաշտոնյա անգամ նախազգուշացվելուց հետո չներկայացրեց հայտարարագիրը։ Նրանց դեմ վարույթ կհարուցվի, եւ եթե այս ընթացքում էլ չներկայացնեն հայտարարագիրը, ապա կտուգանվեն 200 հազար դրամի չափով։ 

Մեզ հաջողվեց ճշտել, որ պոտենցիալ տուգանվողների շարքում են նախկին դատախազներ, ՊԵԿ աշխատակիցներ, նախկին պատգամավորներ։