Այսօր Հայաստանի քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի ավագ քննիչ Սեդոյանը միջնորդություն էր ներկայացրել Երևան քաղաքի ընդհանուր իրավասության դատարան, որպեսզի դատարանը որպես խափանման միջոց 2-ասմյա կալանքի որոշում կայացնի Երևանի բնակիչ 19-ամյա Լևոն Քերոբյանի նկատմամբ։  

Քիչ առաջ դատավոր Արտուշ Գաբրիելյանը, դռնփակ դատական նիստը անցկացնելուց և խորհրդակցական սենյակից վերադառնալով, մերժել է քննիչի միջնորդությունը և Քերոբյանին 1 միլիոն դրամ գրավի դիմաց ազատ է արձակել։ Ֆոտոլրագրողը հայտնում է, որ Քերոբյանը 2017 թվականին նույնպես դանակահարության մեղադրանքով դատապարտվել է և 2018 թվականի համաներման ակտով ազատ է արձակվել։ Ու հիմա նա հերթական անգամ կասկածվում է հուլիսի 25-ին Երևանում 2 անչափահաս տղաների դանակահարելու մեջ, ով երեխաներին թողնելով անօգնական, դիմել էր փախուստի։  

Դանակահարված երեխաների կյանքը հնարավոր էր եղել փրկել «Էրեբունի» բժշակական կենտրոնի բժիշկների կողմից։  

Ֆոտոլրագրողի տեղեկություններով՝ դանակահարողի հայրը ծառայում է ՀՀ Պաշտպանության նախարարությունում, բարձրաստիճան սպա է, կոչումով փոխգնդապետ։