Դուք ասում եք՝ եթե Սևանի մակարդակը բարձրացնեք, կանաչը կվերանա, այնտեղ կա, որ 2, 3, 5 կիլոմետր խորությամբ այդ կանաչը կա, պլյուս դրան անցած տարի նույն դեպքը եղել է, անցած տարի փորձաքննություն արվե՞լ է, թե ինչի հետևանք էր, անցյալ տարի էն մի տղեն էլ ջուրը խմեց, թունավորվեց, հերոսի կոչում ստացավ։  Այս մասին այսօր ԱԺ-ում դիելով Շրջակա միջավայրի նախարար Էրիկ Գրիգորյանին ասաց պատգամավոր Սասուն Միքայելյանը: 

Պատգամավորի պատկերացմամբ` դա անտառից է. «Անտառահատում չարեցինք, լրիվ չմաքրեցինք տարածքը, տորֆի շերտ է, թե չէ թունավորում չի, եթե այդպես է, ձկներն էլ կսատկեին»:

Արձագանքելով, Էրիկ Գրիգորյանը ասաց.«Անտառածածկ տարածքների մաքրման աշխատանքներ պետք է իրականացվեն, բայց միևնույն ժամանակ պետք է անտառատնկում իրականացվի, որովհետև անտառները, որ կան, նաև պահում են նույն ֆոսֆորային նյութերը, որ չգան։ Բայց միանշանակ է, որ պետք է մակարդակը բարձրացվի»։