Արմեն և Նունե Սարգսյանների ունեցվածքը

Հայկական ժամանակը գրել է. ՀՀ նախագահ Արմեն Սարգսյանը 2019 թվականի մարտի 28-ին բարձրաստիճան պաշտոնատար անձանց էթիկայի հանձնաժողով է ներկայացրել իր 2018 թվականի տարեկան հայտարարագիրը:

Տարեսկզբում Սարգսյանն ունեցել է 5 մլն 500 հազար եվրո, որը տարեվերջում դարձել է 5 մլն 400 հազար եվրո:

2018-ին Սարգսյանն ունեցել է 8 մլն 379 հազար 608 դրամի չափով եկամուտ, որը գոյացել է աշխատավարձից:

2013 թվականին՝ դեռեւս Մեծ Բրիտանիայի եւ Հյուսիսային Իռլանդիայի Թագավորությունում ՀՀ արտակարգ եւ լիազոր դեսպանի պաշտոնը ստանձնելուց Սարգսյանը հայտարարագրել է 5 անշարժ գույք՝ 3 առանձնատուն եւ 2 բնակարան, որն ըստ հայտարարագրի հետագա տարիներին չի օտարվել:

2014-ին Սարգսյանը 70 հազար ֆունտ ստեռլինգով ձեռք է բերել «RANGE ROVER 4.4 L V8» մակնիշի ավտոմեքենա:

2019-ի մարտի 28-ին իր 2018-ի տարեկան հայտարարագիրն է ներկայացրել նաեւ Արմեն Սարգսյանի կինը՝ Նունե Սարգսյանը:

Նունե Սարգսյանը տարեսկզբում ունեցել է 710 հազար եվրո, որը տարեվերջում դարձել է 680 հազար եվրո: