«Ջազվե» սրճարանի ներկայացուցիչը ժամանակ է խնդրել, որ գույքը տեղափոխեն, ինչից հետո հնարավոր է իրենց ուժերով ապամոնտաժեն սրճարանը: Այսօր լրագրողների հետ զրույցում ասաց Երեւանի կենտրոն վարչական շրջանի ղեկավար Վիկտոր Մնացականյանը՝ անդրադառնալով Օպերային թատրոնի հարակից տարածքում ապամոնտաժվելու ենթակա սրճարաններին եւ նշելով, որ «Ջազվե»-ում արդեն սկսել էին ապամոնտաժման աշխատանքները: Ինչպես հայտնում է Հայկական ժամանակը՝ սույն սրճարանը, հիշեցնենք, կապվում է Սերժ Սարգսյանի փեսա, Վատիկանում ՀՀ նախկին դեսպան Միքայել Մինասյանի անվան հետ: Լրատվամիջոցի փոխանցմմբ՝ նախորդ օրը ազատվել էր «Ռիչ» սրճարանի խաղահրապարակի զբաղեցրած տարածքը: Այս սրճարանը կապվում է ԱԺ նախկին պատգամավոր Սամվել Ալեքսանանի անվան հետ եւ այս ընթացքում պարբերաբար հայտարարվում է, որ նրա սրճարանը շրջանցվում է: Այսօր ապամոնտաժվել է «Ատլանտիկ» սրճարանը, որը կապվում է ԱԱԾ նախկին տնօրեն Կառլոս Պետրոսյանի անվան հետ: «Մոնտալի» եւ «Շոկոլադնիցա»-յի հետ կապված գործերը դատարանում են: Նախաձեռնողը եղել է քաղաքապետարանը: «Շոկոլադնիցան», հիշեցնենք, կապվում է կարկառուն դաշնակցականների հետ: