Մոտ 1000 աջ ղեկով մեքենայի ներմուծումը կկարատվի մինչև մայիսի 1-ըՄոտ 1000 աջ ղեկով մեքենայի ներմուծումը կկատարվի մինչև մայիսի 1-ը
Ազգային ժողովի տնտեսական հարցերի մշտական հանձնաժողովի նիստում քննարկվեց «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» ՀՀ օրենքում փոփոխություն կատարելու մասին նախագիծը:
ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը նշել է, որ օրենքի ընդունման դեպքում հնարավորություն կտրվի մաքսային տարածքներում տեղակայված աջ ղեկային տեղաբաշխման տրանսպորտային միջոցները, այն մեքենաները, որոնց ձեռքբերման համար վճարումները կատարվել են մինչև 2018 թվականի դեկտեմբերի 30-ը, ՀՀ տարածք ներմուծել մինչև մայիսի մեկը:
«Նոր գնված մեքենաներին դա չի վերաբերում», - ասել է նախարարը, ապա տեղեկացրել, որ խոսքը մինչև հազար ավտոմեքենայի մասին է:
Արշակյանը խորհուրդ տվեց ՀՀ քաղաքացիներին հնարավորինս զերծ մնալ ղեկը փոխելով ՀՀ ներմուծելու մեխանիզմից. «Այս ուղղությամբ պետք է աշխատանք տարվի, միգուցե նաեւ օրենսդրական նախաձեռնությամբ, որպեսզի վատ վիճակում կամ սխալ փոխված ղեկով մեքենաները չներմուծվեն Հայաստանի տարածք։ Առաջին հերթին կցանկանայի մեր քաղաքացիներին հորդորել, որ մեքենա գնելիս եւ պարտադիր տեխզննում անցկացնել եւ եթե դրանք պատշաճ վիճակի չեն, համապատասխան փոփոխություններ արվեն մինչեւ վարելը: Երկրորդ, մենք տեխզննության արդիականացման պրոցեսում ներառել ենք հստակ խստացում ղեկային համակարգի եւ արգելակների մասով: Տեխզննության ժամանակ այդ օղակները խտագույնս ստուգվելու են»։
