Եթե Ադրբեջանն ամբողջությամբ դուրս գա Եվրոպայի խորհրդից, երկրի ներսում դա ոչ ոք չի նկատի. Ալիև

Ադրբեջանի նախագահ Իլհամ Ալիևը հայտարարել է, որ եթե Ադրբեջանն ամբողջությամբ դուրս գա Եվրոպայի խորհրդից, երկրի ներսում դա ոչ ոք չի նկատի։

Նրա խոսքով՝ նման դեպքում էական փոփոխություններ չեն լինի, թեև, ինչպես նշել է, գուցե ավելի լավ է պահպանել անդամակցությունը։

Ալիևը նաև ասել է, որ Բաքուն չի ցանկանում առճակատում, սակայն դժգոհ է Եվրոպայի խորհրդի Խորհրդարանական վեհաժողովի և Եվրոպական խորհրդարանի կողմից Ադրբեջանի հասցեին հնչող քննադատություններից՝ դրանք որակելով անհիմն։