Սա շատ վտանգավոր է, Փաշինյանը խոսում է Արծվաշենի վերադարձի մասին. Լևոն Զուրաբյան

Ահավոր վիճակ է, Փաշինյանը խոսում է Արծվաշենի վերադարձի մասին, սա շատ վտանգավոր է։ Այս մասին լրագրողների հետ զրույցում ասել է ՀԱԿ փոխնախագահ Լևոն Զուրաբյանը։

«Շատ վտանագավոր եմ համարում, որ Փաշինյանը սկսել է խոսել Արծվաշենի վերադարձի մասին։ Դա նշանակում է մի բան՝ ինքը պատրաստվում է և նրանից արդեն պահանջում են, որ վերադարձնի երեք անկլավները։ Արծվաշենը ոչ մի պրոբլեմ չի ներկայացնում Ադրբեջանի համար, որովհետև այն կտրված կղզյակ է, հետևաբար այս անվստահության պայմաններում նման փոխանակման գնալը հարվածելու է ՀՀ-ի անվտանգությանը և ստրատեգիական շահերին։ Այսօր կա երկու լուծում, մեկը՝ անկլավների փոխանակումն է, մյուսը՝ այդ հարցի երկարաժամկետ հետաձգումը»,- ասել է նա։

Մանրամասները` տեսանյութում:

Հիշեցնենք` ՀՀ վարչապետ Նիկոլ Փաշինյանը հայտարարել է, որ սահմանազատման արդյունքում Արծվաշենը և երկրի մյուս օկուպացված ինքնիշխան տարածքները պետք է վերադարձվեն՝ նշելով, որ սա հիմնված կլինի Հայաստանի միջազգայնորեն ճանաչված տարածքի վրա։