Մարդկանց ասեք, որ ձեր պնդումների հետևանքով են Բաքվի բանտում․ Ալեքսանյան

 ՔՊ խմբակցության պատգամավոր Վահագն Ալեքսանյանն այսօր իր ԱԺ ելույթում կոչ արեց հասկանալ, թե մարդիկ ինչու են հայտնվել Բաքվի բանտում:

«Բա այդ հարցի պատասխանը ի սկզբանե փորձեք տալ»,- հայտարարեց պատգամավորը՝ հիշեցնելով, որ իրենք կոչ են արել գնալ ու բանակցել:

«Մի հատ ասեք՝ ձեր շեֆերն ինչ էին համոզում այդ մարդկանց, ինչ էին պարտադրում, որ մենք այստեղից նշաձող իջեցնելուց էինք խոսում, դուք գալիս-ինչ էիք ասում, ինչ տեքստեր էիք ասում:

Բա գնացեք այդ մարդկանց ընտանիքներին ասեք, որ ձեր ասած տեքստերի ու պնդումների հետևանքով են բանտում: Բա ասեիք, որ Սոֆիա գնալ-բանակցելուն դեմ էիք, որ դուք եք նրանց՝ բանտում լինելու հովանավորը: Այդ պատասխանները տվեք: Ասում են՝ վերադառնալու ենք Լեռնային Ղարաբաղ, բա մի հատ ասեք՝ ի սկզբանե ինչի են դուրս եկել ԼՂ-ից այդ մարդիկ: Էդ մարդկանց ճակատագրերը խեղեցիք, էդ մարդկանց այնտեղից բերել տվեցիք, եկաք էստեղ՝ Հակարիի կամուրջը բացեք, բացեք...

Էդ մարդկանց էնտեղից հանեցիք էն հույսով, որ պետք է բերեք միտինգի մատերիալ սարքեք ձեր տրամաբանությամբ: Տեսաք՝ չեք կարողանում, էսօր էլ ասում եք՝ վերադարձ: Ժողովո՛ւրդ ջան, կլինի՞, որ դուք ոչ մի բան էլ չնախաձեռնեք առհասարակ»,- հայտարարեց Ալեքսանյանը: