ՏԵՍԱՆՅՈՒԹ. Ինչպես են անցկացվել արտահերթ խորհրդարանական ընտրություններն Ադրբեջանում
Ադրբեջանում այսօր անցկացված արտահերթ խորհրդարանական ընտրություններն անցել են ընտրախախտումներով: Համացանցում արդեն իսկ հրապարակվել են ընտրախախտումները ցուցադրող տեսակադրեր:
Հիշեցնենք, որ Ադրբեջանի իշխող կուսակցության՝ «Ենի Ազերբայջանի» (Նոր Ադրբեջան) ներկայացուցիչները մեծամասնություն են ստանում 7-րդ գումարման խորհրդարանում՝ կիրակի օրը կայացած արտահերթ ընտրությունների արդյունքներով։
Oracle խորհրդատվական խումբը կիրակի երեկոյան կայացած մամուլի ասուլիսում հայտարարել է իր էքզիթ փոլի արդյունքները, որոնց համաձայն՝ իշխող կուսակցության ներկայացուցիչները հաղթում են 125 ընտրատարածքներից 63-ում։
Նոր գումարման խորհրդարան է անցնում նաեւ անկախ թեկնածու Փոլադ Բյուլբյուլօղլուն, ով ներկայումս զբաղեցնում է Ռուսաստանի Դաշնությունում Ադրբեջանի դեսպանի պաշտոնը։
