Աֆղանստանի իշխանությունները հեռացրել են անվտանգության ավելի քան 280 անմորուք աշխատակիցների
Աֆղանստանի արատավորության կանխարգելման և առաքինության վիճահարույց նախարարությունը մորուք չաճեցնելու համար աշխատանքից ազատել է անվտանգության ուժերի ավելի քան 280 աշխատակիցների, միաժամանակ ձերբակալել է ավելի քան 13 հազար մարդու՝ Աֆղանստանում անցյալ տարի «անբարոյական զանցանքներ» կատարելու մեղադրանքով:
Ըստ Reuters գործակալության՝ գերատեսչությունն իր տարեկան օպերատիվ հաշվետվության մեջ նշել է, որ ձերբակալվածների մոտ կեսը 24 ժամ անց ազատ է արձակվել:
Միևնույն ժամանակ զեկույցում ենթադրյալ հանցագործությունների տեսակը կամ ձերբակալվածների սեռը չի նշվել:
Նախարարության ծրագրման և օրենսդրության բաժնի տնօրեն Մոհիբուլա Մոխլիսը մամուլի ասուլիսում հայտարարել է, որ անցյալ տարի պաշտոնյաները ոչնչացրել են 21 հազար 328 երաժշտական գործիք, միաժամանակ հազարավոր համակարգչային օպերատորների խոչընդոտել են շուկաներում «բարոյազանց և անբարեբարո» ֆիլմեր իրացնել:
