Մադրիդի «Ռեալը» պաշտոնապես հայտարարել է «Պարի Սեն Ժերմենի» հարձակվող Կիլիան Մբապեի հետ պայմանագիր կնքելու մասին։

 Ֆուտբոլիստը մադրիդյան ակումբին միացել է ազատ գործակալի կարգավիճակով։ Կողմերի միջեւ պայմանագիրը ստորագրվել է մինչեւ 2029թ.

 25-ամյա ֆրանսիացին ՊՍԺ-ում հանդես է եկել 2017-ից 2024 թվականներին։ Թիմի կազմում նա դարձել է Ֆրանսիայի վեցակի չեմպիոն։ Այս ընթացքում Մբապեն 308 խաղում դարձել է 256 գոլի և 108 գոլային փոխանցման հեղինակ։

 Ավելի վաղ հաղորդվում էր, որ «Ռեալի» ավելի քան կես միլիոն երկրպագուներ մասնակցել են շքերթին՝ նշելու իրենց հաղթանակը Չեմպիոնների լիգայում։