Ստոլտենբերգը բացառել է Ուկրաինայի անդամակցությունը դաշինքին հակամարտության թեժ պահին

ՆԱՏՕ գլխավոր քարտուղար Յենս Ստոլտենբերգը բացառել է Ուկրաինայի անդամակցությունը դաշինքին հակամարտության թեժ պահին, բայց հերթական անգամ կրկնել է այն պնդումը, որ դաշինքի դռները Կիեւի համար բաց են մնում։

«Բոլոր դաշնակիցները համաձայն են, որ Ուկրաինան դառնա ՆԱՏՕ անդամ։ Ոչ դաշնակիցներից որեւէ մեկը, ոչ անգամ Ուկրաինան չեն պատկերացնում, որ Ուկրաինան կարող է դաշինք մտնել պատերազմի թեժ պահին։ Բոլոր դաշնակիցները խոսում են այն մասին, որ դաշինքի դռները բաց են։ Մենք դա ցույց ենք տվել՝ ինտեգրելով Ֆինլանդիային եւ Շվեդիային»,- ասել է Ստոլտենբերգը France 5 ֆրանսիական հեռուստաալիքի հարցազրույցում, որից ուրբաթ մեջբերում է հրապարակել  դաշինքի մամուլի ծառայությունը։

Պատասխանելով Ուկրաինայի համար հնարավոր երաշխիքների մասին հարցին, որոնք կքննարկվեն Վիլնյուսի գագաթաժողովում, նա նշել է դաշինքի ներսում տեղի ունեցող բանավեճերը, որոնց նպատակն է հակամարտության կրկնության կանխումը։ «Մենք բազմաթիվ բանավեճեր ենք ունենում՝ ուղղված այն բանին, որ պատմությունը չկրկնվի: Ուստի մեր պարտավորություններն Ուկրաինայի առջեւ պետք է կրեն երկարաժամկետ բնույթ»,- ասել ՆԱՏՕ գլխավոր քարտուղարը։