Պեսկովը հայտարարել է, որ Պուտինը բաց է Ուկրաինայի հարցով ցանկացած շփումների համար

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ ՌԴ նախագահ Վլադիմիր Պուտինը բաց է ցանկացած շփման համար՝ քննարկելու ուկրաինական հակամարտության կարգավորման տարբերակները։ Այս մասին հայտնում է ՏԱՍՍ-ը։

«Նախագահ Պուտինը եղել է, կա և մնում է բաց ցանկացած շփման համար՝ ուկրաինական խնդրի հնարավոր լուծումները քննարկելու համար»,- ասել է նա։

Կրեմլի խոսնակը նաեւ նշել է, որ ռուսական պետության ղեկավարը պաշտպանում է ցանկացած գաղափար, որը կարող է հանգեցնել Ուկրաինայում իրավիճակի կարգավորմանը։

«Պուտինը ղեկավարում է այդ խոսակցությունները և ողջունում է աֆրիկյան առաջնորդների հետ առաջիկա շփումները», - հավելել է Պեսկովը։

 ՌԴ նախագահի մամուլի քարտուղարը հայտարարեց, որ Ռուսաստանի ղեկավարի հանդիպումը աֆրիկյան երկրների պատվիրակության հետ տեղի կունենա հունիսի 17-ին Սանկտ Պետերբուրգում։