ԼՈՒՍԱՆԿԱՐՆԵՐ. Վերապատրաստման դասընթաց Վլադիկավկազ քաղաքում. ՀՀ ՆԳՆ ՓԾ
Վերապատրաստման դասընթաց Ռուսաստանի Դաշնության Հյուսիսային Օսիայի Հանրապետության Վլադիկավկազ քաղաքում: Հայտնում է ՆԳՆ ՓԾ-ն:
Համաձայն Ռուս-հայկական մարդասիրական արձագանքման կենտրոնի տնօրենի և ՆԳՆ փրկարար ծառայության տնօրեն-ՆԳ նախարարի տեղակալի 2023 թվականի փետրվարի 3-ի համատեղ հաստատված փրկարարական ծառայողների վերապատրաստման ուսումնական ծրագրի՝ հունիսի 3-ից 27-ը Ռուսաստանի Դաշնության Հյուսիսային Օսիայի Հանրապետության Վլադիկավկազ քաղաքում անցկացվում է «Նախնական լեռնային պատրաստության՝ ներառյալ մինչև լեռնագնացության 3-րդ կարգ» թեմայով վերապատրաստման դասընթաց, որին մասնակցում են թվով 12 փրկարարական ծառայողներ Փրկարար ծառայության փրկարարական ուժերի վարչության հատուկ նշանակության փրկարարական աշխատանքների իրականացման կենտրոնից, Գեղարքունիքի, Լոռու, Շիրակի, Տավուշի, Արարատի և Սյունիքի մարզային փրկարարական վարչություններից։
Դասընթացն անցկացվում է Ռուսաստանի Դաշնության Հյուսիսային Օսիայի Հանրապետության Վլադիկավկազ քաղաքում գործող «ՑԵՅ» ուսումնամարզական կենտրոնում։
Դասընթացներն անցկացվում են տեսական և գործնական փուլերով: Տեսական մասը ներառում է լեռներում աշխատելու առանձնահատկությունները, որի նպատակն է բարձրացնել փրկարարների գիտելիքները և հմտությունները լեռներում փրկարարական աշխատանքներ իրականացնելիս։
Առավել մեծ ուշադրության են արժանանում գործնական պարապմունքները, որոնք ներառում են ալպինիստական և լեռնափրկարարական սարքավորումներով աշխատանք, տարբեր լեռնային ռելիեֆներով անցումներ և անվտանգության ապահովում, ինչպես նաև որոնողափրկարարական աշխատանքների իրականացում։
