Հուսով ենք, որ Փաշինյանի և Ալիևի հետ Պուտինի հանդիպումներն արդյունավետ կլինեն․ Դմիտրի Պեսկով

Կրեմլը հույս ունի, որ Փաշինյանի և Ալիևի հետ Պուտինի հանդիպումներն արդյունավետ կլինեն։ Այս մասին հայտնել  է ՌԴ նախագահ Վլադիմիր Պուտինի մամուլի խոսնակ Դմիտրի Պեսկովը։

«Հինգշաբթի օրը այստեղ կլինեն և՛ նախագահ Ալիևը, և՛ վարչապետ Փաշինյանը, մենք ակնկալում ենք, որ շփումներ կլինեն մեր նախագահի հետ, այս շփումների նախապատրաստական ​​աշխատանքներն ընթանում են և, իհարկե, կցանկանայինք հույս ունենալ, որ դրանք արդյունավետ կլինեն»,-նշել է Պեսկովը: 

Հիշեցնենք, որ մայիսի 18-ին վարչապետ Նիկոլ Փաշինյանը, անդրադառնալով հանդիպմանը, կառավարության նիստում նշել էր. 

«Ռուսական կողմից առաջարկ ենք ստացել մայիսի 25-ին Մոսկվայում եռակողմ գագաթնաժողով անցկացնել Ռուսաստանի նախագահի միջնորդությամբ, մենք ընդունել ենք այս առաջարկը»։