Էրդողանը չեղարկել է վաղը նախատեսված բոլոր միջոցառումներին իր մասնակցությունը
Թուրքիայի նախագահ Ռեջեփ Թայիփ Էրդողանը չեղարկել է հինգշաբթի նախատեսված բոլոր միջոցառումներին իր ֆիզիկական մասնակցությունը։ Այս մասին հայտնում են Թուրքիայի իշխող կուսակցությունից։
Երկրի նախագահի մասնակցությամբ նախընտրական հանրահավաքը տեղափոխվել է այլ օր։ Բացի դա հաղորդվում է, որ Ակկույու ԱԷԿ-ին ռուսական արտադրության միջուկային վառելիքի առաքման արարողությանը Ռեջեփ Թայիփ Էրդողանը կմիանա տեսահղումով։
Ընդդիմության ներկայացուցիչները լուրեր են տարածում, որ Թուրքիայի նախագահը սրտի կաթված է ստացել։
69-ամյա Էրդողանը Թուրքիան ղեկավարող ամենաերկարակյաց առաջնորդն է և բազում հաղթանակներ է ապահովել իշխանության ավելի քան 20 տարում: Բացի այդ, նա կարողացել է հաղթահարել է 2016 թվականի պետական հեղաշրջումը:
Սակայն վերլուծաբանների փոխանցմամբ, այս տարվա արտահերթ ընտրությունները կլինեն ամենաբարդը նրա քաղաքական կարիերայի ընթացքում:
Մեծ թվով ընտրողներ դժգոհ են Էրդողանի վարած տնտեսական քաղաքականությունից, ինչպես նաև կառավարության աշխատանքից փետրվարի 6-ի ավերիչ երկրաշարժին հաջորդած առաջին օրերին:
