⁣ՏԵՍԱՆՅՈՒԹ. «Դավաճա՛ն», «հեռացի՛ր». քաղաքացիները Ավինյանի ելույթի ժամանակ սուլել են

«Նեմեսիս» գործողության հերոսների հուշարձանի բացման արարողության ժամանակ Երևանի փոխքաղաքապետի պաշտոնը զբաղեցնող Տիգրան Ավինյանի ելույթի ընթացքում ներկաներից մի քանիսը սկսել են վանկարկել «դավաճա՛ն», «հեռացի՛ր»։
 

Քաղաքացիները բացականչել են նաև «Արցախ միացում» և սուլել են։

Նշենք, որ այսօր Երևանի Օղակաձև զբոսայգու չորրորդ հատվածում տեղի ունեցած Ազգային Արժանապատվության Ասպետներին` Սողոմոն Թեհլիրյանին, Արամ Երկանյանին, Արմեն Գարոին, Գրիգոր Մերջանովին, Արա Սարգսյանին, Ավետիք Իսահակյանին, Հրաչ Փափազյանին, Շահան Նաթալիին, Հակոբ Մելքումովին, Երվանդ Ֆունդուկյանին, Միսաք Թորլաքյանին, Արշավիր Շիրակյանին, Արշակ Եզդանյանին, Ստեփան Ծաղիկյանին, Արտաշես Գեվորգյանին, Պետրոս Տեր Պողոսյանին նվիրված հուշարձանի բացումը։