ՆԱՏՕ-ն ցանկանում էր ոչնչացնել Ռուսաստանը, բայց ի վերջո միայն համախմբեց նրան․ Լավրով
Անկողմնակալ դիտորդները տեսնում են, որ ՆԱՏՕ-ն ցանկանում էր ոչնչացնել Ռուսաստանը, բայց ի վերջո միայն համախմբեց նրան։ ՄԱԿ-ի Անվտանգության խորհրդում Ռուսաստանի նախագահության շրջանակներում Նյու Յորք կատարած այցից հետո մամուլի ասուլիսի ժամանակ հայտարարել է ՌԴ ԱԳ նախարար Սերգեյ Լավրովը։
«Այն գնահատականները, որ տալիս են անաչառ դիտորդները, քաղաքագետները թե՛ Ռուսաստանի Դաշնությունում, թե՛ արտերկրում, այն է, որ ՆԱՏՕ-ն ցանկանում էր ոչնչացնել Ռուսաստանի Դաշնությունը, բայց ի վերջո համախմբեց այն»,- ասել է նախարարը։
Նա նաև հավելել է, որ Մոսկվան ցանկացել է կանխել ՆԱՏՕ-ի ընդլայնումը դեպի արևելք, ինչի մասին բազմիցս հավաստիացրել է ինքը՝ դաշինքը։
Ռուսաստանի փոխարտգործնախարար Միխայիլ Գալուզինը ավելի վաղ հայտարարել էր, որ Ռուսաստանը գործնականում միայնակ է հանդես գալիս ՆԱՏՕ-ի և Ուկրաինայի ռազմարդյունաբերական կոնգլոմերատի դեմ:
