Ֆրանսիայի ԱԳ նախարարը Հայաստան կգա
Ֆրանսիայի արտգործնախարար Քեթրին Կոլոնան կայցելի Հայաստան, Վրաստան և Ադրբեջան։ Տեղեկությունը հայտնում է Ֆրանսիայի արտաքին գործերի նախարարության մամուլի ծառայությունը։
Նշվում է, որ Ֆրանսիայի ԱԳ նախարարը ապրիլի 26-28-ը կայցելի Հայաստան, Վրաստան և Ադրբեջան։
Երևանում նախարարը կհանդիպի վարչապետ Նիկոլ Փաշինյանի և ԱԳ նախարար Արարատ Միրզոյանի հետ։
Նա կայցելի Ջերմուկում գտնվող Եվրոպական միության դիտորդական առաքելության կենտրոնակայան և Հայոց ցեղասպանության հուշահամալիր։
