Ադրբեջանցի ընդդիմադիր բլոգերը դիմել է, որ իրեն զրկեն այդ երկրի քաղաքացիությունից

Մինչ Իլհամ Ալիևը պահանջում է Արցախի հայերից ընդունել Ադրբեջանի քաղաքացիություն կամ լքել հայրենի Արցախը, Ադրբեջանի քաղաքացիներն իրենք են հրաժարվում այս ահաբեկչական պետության քաղաքացիությունից։ Այսպես, արբեջանցի ընդդիմադիր բլոգեր Միրզալի Մահամադը, ով Ալիևի հրահանգով բազմիցս ենթարկվել է սպանության փորձի, դիմել է իրեն Ադրբեջանի քաղաքացիությունից զրկելու խնդրանքով։

«Ես չեմ ուզում լինել մի երկրի քաղաքացի, որը փորձում է ոչնչացնել ինձ և իմ ընտանիքին»,- ասել է Մահամադը։