Իրականում ադրբեջանցի քանի՞ զինծառայող է մտել ՀՀ տարածք․ փորձել ենք ճշտել
Այսօր արդեն հայտնել էինք, որ ադրբեջանցի զինծառայողներ են մտել Սիսիանի Բնունիս համայնք։ Այս տեղեկությանը հաջորդեց Պաշտպանության նախարարության հայտարարությունը, որը ներկայացնելով ադրբեջանցու խոսքը նշում էր․ «Ըստ նրա խոսքի, իր հետ եղել է ևս մեկ զինծառայող, որի որոնողական աշխատանքները շարունակվում են»:
Auroranews-ը ՊՆ-ից փորձեց ճշտել՝ ՀՀ տարածք մտած ադրբեջանցիների թվի մասին տեղեկությունը հայտնել են հիմնվելով միայն այդ զինծառայողի խոսքի վրա, թե՞ ՊՆ-ն էլ ունի հստակ տվյալներ, որ նրանք իսկապես 2-ն են եղել, այլ ոչ 5-ը՝ ինչպես խոսում են Սիսիան համայնքի բնակիչները։ ՊՆ-ից նշեցին, որ այս պահին չեն կարող այլ տվյալներ փոխանցել։
Նշենք նաև, որ ձերբակալված զինծառայողը ասում էր, թե իրենք արդեն 3 օր է ՀՀ տարածքում են։
